Ուսուցման ավարտի և վարորդական իրավունքը ստանալու ժամկետները տարբեր են։ Կարող է լինել այնպես, որ Դուք արդեն 15 ժամ գործնական պարապմունքից հետո պատրաստ լինեք գործնական քննությանը, սակայն քննության հերթերի պատճառով չկարողանաք անմիջապես ներկայանալ։ Օրինակ՝ գործընթացը կարող է լինել հետևյալը․ 1․ Տեսական դասընթաց — մոտ 1 ամիս Դասընթացի ընթացքում կարող ենք զուգահեռ հերթագրվել տեսական քննությանը։ 2․ Տեսական քննության հերթ — մոտ 1–2 ամիս Հերթի ընթացքում շարունակում եք ամրապնդել Ձեր գիտելիքները և պատրաստվել քննությանը։ 3․ Գործնական պատրաստություն և քննության հերթ — մոտ 3 ամիս Տեսական քննությունը դրական հանձնելուց հետո հերթագրվում եք գործնական քննությանը և այդ ընթացքում շարունակում եք գործնական պարապմունքները՝ քննությանը և իրական երթևեկությանը պատրաստվելու համար։ Այսպիսով, եթե բոլոր փուլերը բարեհաջող անցնեք առաջին փորձից, ընդհանուր գործընթացը կարող է տևել մոտ 5–6 ամիս։ Ժամկետները մոտավոր են և կարող են փոփոխվել՝ կախված քննությունների հերթերից և Ձեր անհատական պատրաստվածությունից։

Մի անհանգստացեք․ մենք Ձեզ հետ ենք մինչև վերջ։ Դասընթացի ավարտից հետո նույնպես կապի մեջ ենք մնում Ձեզ հետ։ Հետադարձ կապի միջոցով օգնում ենք հասկանալ սխալները, պատրաստվել և կրկին վերահանձնել քննությունը։ Բացի այդ, դասընթացի ավարտից հետո 2–3 ամիս շարունակ մեր ուսումնական նյութերը մնում են հասանելի Ձեզ, որպեսզի կարողանաք կրկնել և ամրապնդել Ձեր գիտելիքները։

Վարորդական իրավունք ստանալ ցանկացող անձինք կարող են գրանցվել համապատասխան կատեգորիայի դասընթացներին՝ օրենքով սահմանված պահանջներին համապատասխան։ Գործնական վարման պարապմունքներին կարող եք մասնակցել 16 տարեկանից, իսկ վարորդական իրավունքի քննություններին՝ 17 տարեկանից։

Այո՛։ Դասընթացը նախատեսված է նաև սկսնակների համար։ Հրահանգիչը քայլ առ քայլ կօգնի Ձեզ ձեռք բերել անհրաժեշտ հմտություններ և աստիճանաբար անցնել վստահ վարելու։

Դասընթացը ներառում է տեսական ուսուցում և գործնական վարում՝ ճանապարհային երթևեկության կանոնների, քննական թեստերի, ճանապարհային իրավիճակների և վարելու հմտությունների ուսուցմամբ։

Կարող եք ընտրել Ձեզ հարմար ձևաչափը՝ օնլայն կամ լսարանային։

Այո։ Տեսական դասընթացները հասանելի են նաև անհատական ձևաչափով՝ ինչպես օնլայն, այնպես էլ լսարանային։

Խմբային դասընթացներն անցկացվում են 8–10 հոգանոց խմբերով, ինչը հնարավորություն է տալիս ապահովել ակտիվ և արդյունավետ ուսուցում։

Տեսական դասընթացը տևում է մոտ 1 ամիս և ներառում է 12–14 դասընթաց։ Յուրաքանչյուր դասի տևողությունը կազմում է մոտ 1,5–2 ժամ։ Բացի դասընթացներից, ուսանողներին տրամադրվում են նաև անվճար վիդեոդասեր, որոնք կարող են օգտագործել նյութը կրկնելու և գիտելիքներն ամրապնդելու համար։

Իհարկե։ Ուսուցման ընթացքում կարող եք հարցեր տալ և ստանալ լրացուցիչ բացատրություններ՝ թեման լիարժեք հասկանալու համար։

Այո անպայման։ Քննարկվում են քննական թեստերը և դրանցում հանդիպող իրավիճակները՝ հարցերի ճիշտ ընկալումն ու կիրառումը հեշտացնելու համար։ Սովորում ենք ՃԵԿ-ը և քննական թեստերը լիարժեք։

Գործնական պարապմունքների անհրաժեշտ ժամաքանակը անհատական է և կախված է յուրաքանչյուր սովորողի պատրաստվածությունից, սովորելու արագությունից և վարելու հմտություններից։ Մեկ ուսանողի համար կարող է բավարար լինել 10 ժամ, իսկ մյուսին՝ անհրաժեշտ լինել 20 կամ ավելի ժամ։ Միջինում մոտ 15 ժամվա ընթացքում մեր ուսանողները հասնում են այն մակարդակին, որ կարողանան հանձնել վարորդական գործնական քննությանը։ Սակայն կարևոր է հասկանալ, որ քննական երթուղիներով վարել սովորելը դեռևս չի նշանակում լիարժեք պատրաստ լինել իրական երթևեկությանը։ Մեր նպատակն է ոչ միայն օգնել Ձեզ հանձնել քննությունը, այլև ձևավորել անվտանգ, ինքնուրույն և վստահ վարելու հմտություններ։

Գործնական պարապմունքներն անցկացվում են ինչպես քաղաքային պայմաններում, այնպես էլ քննական երթուղիներով՝ վարելու և քննությանը պատրաստվելու համար։ Սկզբնական ուսուցումը անց է կացվում փակ հրապարակում։

Այո՛։ Մեր ուսումնական մեքենաներն ընտրելիս հաշվի ենք առնում քննական պայմանները և նախապատվությունը տալիս ենք ստանդարտ չափսերի ու կառուցվածքի մեքենաներին։ Միևնույն ժամանակ,կարծում ենք՝ լավ վարորդը պետք է կարողանա վստահ և անվտանգ վարել տարբեր չափերի մեքենաներ՝ թե՛ փոքր, թե՛ ավելի մեծ։ Այդ պատճառով ուսուցման ընթացքում նպատակն է զարգացնել Ձեր իրական վարելու հմտությունները, այլ ոչ թե պարզապես սովորեցնել վարել մեկ կոնկրետ մեքենա։

Այո՛։ Սկզբնական շրջանում պարապմունքներն անցկացնում ենք մեր մեքենայով, որպեսզի հրահանգիչը գնահատի Ձեր վարելու հմտություններն ու համոզվի, որ կարող եք անվտանգ վարել։ Անվտանգ և բավարար պատրաստվածության դեպքում կարող եք անցնել Ձեր մեքենայով պարապմունքների։

Այո։ Հնարավորության դեպքում կարող եք ընտրել Ձեզ հարմար հրահանգիչը, մեքենան, ժամանակը և վայրը։

Տեսական և գործնական դասերի ժամանակացույցը կազմվում է՝ հաշվի առնելով Ձեր հնարավորություններն ու նախընտրած ժամերը։ Կարող եք ընտրել Ձեզ հարմար գրաֆիկ՝ նախապես համաձայնեցնելով այն մեր թիմի հետ։ Տեսական դասերը կարող են անցկացվել ինչպես օնլայն, այնպես էլ լսարանային ձևաչափով, իսկ գործնական պարապմունքների համար նույնպես կարող եք ընտրել Ձեզ հարմար օրն ու ժամը։

Այո։ Ձեր ցանկության դեպքում տեսական և գործնական պարապմունքները կարող են անցկացվել զուգահեռ՝ ժամանակը ավելի արդյունավետ օգտագործելու համար։

Վճարումը կարող եք կատարել Ձեզ հարմար եղանակով՝ կանխիկ, քարտով կամ փոխանցումով։ Հասանելի է նաև մաս-մաս վճարման հնարավորություն։